پا بنه سر جفت تیم جون خوت

پا بنه سر جفت تیم جون خوت
تا بگرهِ جون مو، مجنون خوت

تا بکنم فیس که دلدارمی
لاف بیایم که هنی یارمی

مات دو ایی بورگله شُمشیرتُم
حیفه عزیزم که چنی دیرتُم

کُشتمه و سُهتمه ایی انتظار
غصه در آورده وَ ما بیدگار

دیر بگردی و بِری بُی کسی
یا که بری صبح وُ شو تِی کسی

سنگ مو بایَک بزنن طیفتون
چال نه هی چاله کَنن طیفتون

دومِن و بالای پُرِ تَش کنن
لاشه ی بی جونمه هی لَش کُنن

پس بزنی یا نزنی ایخومت
هر چه کنی جون و تنی ایخومت

دیر تو مو سی تو کلو گشتمه
لیوه ی پاکم که ملو گشتمه

عاشقتم عاشق سر پا تشُم
محض تو مو آدمَله ایکُشُم

جز مو کسی خاطرته نیخه گل
خار تو سی مو بخدا تیغه گل

باز بیو دهس رفاقت بدیم
عشق و دلِ مُهر قیامت بدیم
سرگشته
#سهراب_عرب_زاده

شب های سرگشتگی...