درد دل آدم فقیر ارزش نداره سی کسی

دردِ دل آدم فقیر ارزش نداره سی کسی
جونشه بی فیده یه حتی دراره سی کسی
دردِ بی درمونیه،دردِ فقیری روز و شو
دردَلِش مِن قلبشه دردی نی یاره سی کسی

آدم فیقرو، مثله اسیره
مِن ایی زمونه، بهتر بمیره
تا ایگریوه وَ ایی زمونه
یاری نداره، دهسشه بگیره

هرگز نیابو، بختش بشینه
دادش هوایه،خوش ریی زمینه
ریی لویه سردش،هرگز نیابو
تا که یه روزی، خنده بوینه

تا قیومت انتظاره تا قیومت بی قرار
بِی دلش ناسازگاره بِی دلِش ایی روزگار
دهسه هر کاری بِنه،دهسش قلم ایبو وَ غم
بختو اقبالش همیشه ،بد بیاره بد بیار

#سهراب_عرب_زاده