لایقم نالایقم هر چی که بو ایخوم تنه

لایقُم نا لایقُم هر چی که بو ایخوم تنه
لایقی نالایقی، ریی جُفت تِیُم اینوم تنه
هرچه کردِن هرچه دیدُم، هرچه بد بیده گذشت
دهسه هر کار ایزنُم، تا عاقبت بینُم تنه

مثله یه مَشکه سَرِ دارِ مَلار
قلبه مو هی ایره و یا حونتون
هر چه که خواسین بِگرین بونه وَم
ایبُره آخر دله مو بونتون

هر چه دِرو کردیه بسته گُلُم
قلبته بِی قلبه مو رو رآس بِکن
دهسته مِن دهسله خَهسَم بِنه
بعد یو هم هرچه دلت خوآس بکن

پس بِدی یا پس نَدی ،دورِ تو ایگرده دِلُم
مرهَمی سی زخمِ کاری، مرهَمِ درده دلُم
بی تو هر جا پا بِنُم، فکر و خیالِت ایزَنُم
مثله شویَل آخره پاییز همش سرده دِلُم

#سهراب_عرب_زاده