تش بگیرا تا بدونی که چه حالی داره دل

تش بگیرا تا بدونی کهِ چه حالی داره دل
دومنِ کُه بُرگَلِش چِشمِی زلالی داره دل
تش گرُهتَن درد سوهتن بِی تماشا نیده دهس
بِی نبیدت روزگارُم غصه وُ غم ایده دهس

اومدم تا دم سراتون اومدم بِی دل تشی
 نومدی سی دم سراتون نومدی بِی دل خشی
خَرسَلُم اومد وِ زِر نِیدی خریدارت مونم
خین دل خردُم هنی محتاج دیدارت مونم

ایسو هر شو تا سحر مِن مالتون پیت ایکنم
تا خبر شاید بیارن هی دعا سیت ایکنم
بی خبر بیدن درآوِردهِ دمار از ایی دلم
درد بی درمون گرفتارم تو درمونی گلم

تش گرهتن درد سوهتن بِی تماشا نیده دهس
تَش بگیرا تا بدونی کهِ چه دردی ایکَشُم
سرگشته
#سهراب_عرب_زاده