برد ایخره دل پشت سر یک

بَرد ایخره دل پشت سَرِ یَک
چی دار کُنارهِ دل خوارم
مو منتظرت هی دم درتا
ایشینه دلم تا تیه دارُم

ایی ایل همش گپ تونه دارن
مِن سینه ی تو مهر و وفا نی
گفتم که همش بد تونه ایخن
دیدُم که دلت اهل حیا نی

واگرد و بِوین مِن زِلِ افتو
تو بونه وَم ای ایگره هر رو
کم رییمه بدهِ ریی وَ بیابون
دل مثل کلو ایگِره هر سو

بُی عاشق خوت تا نکنی بد
نیبو که شکایت بکنهِ وَت
تا اَرِّه نبو شاخه نی افته
تا زخم حکایت بکنهِ وَت

ای کاش خَوَر وَت برسونن
هر ساعت خوم بی تو خمارم
تو دار و ندارهِ مونه زاری
مِن زنده ی خوم بی تو چه دارم

تِی عشق دلم ناله فقط دا
بی جونه دلم لاشمه وردا
سرگشته
#سهراب_عرب_زاده