عشق مونی ایخومت ای نازلو

زلف شلالِ خوته دم باد دِی
تا بزنم سر وَ جنون سی تو باز
مثل کلو گشتمه سی زلفلت
کم بکن ایی پهللته سی مو واز

گپ گَپَل ایی مردمه دینت نکن
مردمه ایی ایل وَ دینِ گَپن
تا بزنن بُر تونه بُی قلب مو
بُی مو وُ عشقِ تو هَمش ری چپن

حالمه خش ایکنه او ساعتی
دهسلتهِ مِن دَسَلوم جا بِدی
کوت دومایی وَ بَرُم ایکنم
اَر بله ای سی دل ایما بِدی

مثل یه بافِی علفی با بدی
لووته بنی ری لُوَله سرد مو
ایگره جون ایی دل بی جون مو
بوسه وَ لوت ایبره ایی درد مو

هر چه کنی بُی دل مو ایخومت
عشق و کلو بازیلش هم خشه
گرم وَ او خندیله مهستم
بُی تو هَمش چاله ی مو پر تشه

عشق مونی ایخومت ای نازلو
عشق مونی ایخومت ای نالو
سرگشته
#سهراب_عرب_زاده