سی تو همش رهیله ایپای دل

سی تو هَمش رهیله ایپای دل
تا برسی دردمه درمون کنی
تا که دراری مونه مِن انتظار
مرهم ایی قلب پریشون کنی

مثل یه دالوی نخش حال و بد
منتظرم تا که طبیبی بیا
تومه بگیری تو بِی او دهسلت
سی مونه او دهسله تو چی دوا

دهس تو وُ طرز وفا کِردنت
عاشق دل خینه تو وابیدمه
سو دَ ندارهِ تیَلوم بس که مو
منتظرت رهیله پاییدمه

مثل یه گُی که گُوَرِش مُرده تِیش
بُی تش دل بوره وَ دل ایزنه
سینه ی پر غصه ی ماتم زَدَم
تا که بِیِی کوره وَ دل ایزنه

مثل زنی بعد سه شی کِردَنِش
زنگله ایی مال که نیشَش زِنِن
جوریِ ایی قلب پُرِ درد مو
گپ گپکل نفته وَ ریشَش زِنِن

سیچه پَسُم زِی وُ نخواسی مونه
سیچه پَسُم زٍی وُ نخواسی مونه
سرگشته
#سهراب_عرب_زاده