زر بار غمه دل خورد و خمیرم کمکم ک

زِر بارِ غمه دل خورد و خمیرم کمکم کُ
مِن جوونی شو وُ رو مثل اسیرم کمکم کُ

تحله خوارم بَرِکِ ایی دل وامونده ی تی نا
غم وَ زِندِی بخدا کرده دَ سیرم کمکم کُ

سیم ترمز بُرِنادهِ غُله ماشین دلم باز
ری سراشیبِیِ تندی سَرِ زیرُم کمکم کُ

باتلاقی که مِنش گیر دلم ایکُشُم آخر
تو خو بینی که چطو ایهمه گیرم کمکم کُ

زِر بارونه غمت زونِیَلُم بی تو بُریده
دهس و پا بُی غم دل ایدَکه پیرم کمکم کُ
سرگشته
#سهراب_عرب_زاده